Áfram Heimsmarkmiðin – borðspil

Það er ekki amalegt að geta kennt þýðingarmikil heimsmál og sjálfbæra þróun á meðan spilað er skemmtilegt borðspil.

Allt þetta er í boði í nýju borðspili sem UNRIC, Upplýsingaskrifstofa Sameinuðu þjóðanna hefur hannað og heitir Áfram Heimsmarkmiðin og má finna á þessari vefsíðu hér.

„Það er mjög einfalt að byrja að spila og það kostar ekki neitt,“ segir Fabienne Pompey, umsjónarmaður spilsins. „Allt sem þarf til er að hlaða því niður af netinu, prenta, klippa út og spila.“

Afram heimsmarkmið

Pompey leggur áherslu á að þótt markhópurinn séu börn á grunnskólaaldri geti það gagnast öðrum, til dæmis við að æfa sig í erlendu tungumáli. „Tungumálakennarar geta látið nemendur sína spila og nota það sem tæki til að æfa tungumálið og læra um sjálfbæra framtíð i leiðinni.“

Spilið gefur innsýn í það hvernig hver og einn hefur hlutverki að gegna sem einstaklingur, hluti af liðsheild og ábyrgur borgari, við að móta framtíð jarðarinnar. Og það sem meira er, spilið gefur börnum hlutverk. Við þurfum á því að halda að unga kynslóðin leiki lykilhlutverk í að byggja upp bjarta framtíð.

„Spilið gefur börnum tækifæri til að skilja heiminn betur og vera virk,“ segir Fabienne Pompey.

Heimsmarkmiðaspilinu er ætlað að hvetja fólk til að leggja sín lóð á vogarskálarnar til að ná heimsmarkmiðunum og deila verkum sínum og benda á leiðir til þess að ná þeim á samskiptamiðlum með því að nota myllumerkið #SDGGame.

Þátttakendur eru líka hvattir til þess að semja sínar eigin spurningar og deila þeim á samskiptamiðlum með sama myllumerki. „Við viljum hvetja fólk til að halda samtalinu áfram líka þegar spilinu lýkur,“ segir Pompey.

Spilið er nú til á nokkrum tungumálum, svo sem ensku, frönsku, þýsku, spænsku, kínversku, hollensku og grísku, auk Norðurlandamálanna, þannig að fjölskyldur geta spilað spilið og æft sig í erlendum málum á sama tíma!

Þá vitið þið hvað til þarf.

Leikurinn er hér og allt sem þarf er prentari, skæri, lím og þið getið byrjað. Svo verður teningunum kastað í þágu betri, sjálfbærari heims!