Skólavefur

Verið velkomin á skólavefinn okkar. Hér er að finna fjölbreytt námsefni um Sameinuðu þjóðirnar og þau margvíslegur málefni sem þær standa fyrir. Skólavefnum var komið á laggirnar til að halda utan um námsefni fyrir þá skóla sem taka þátt í UNESCO-skólaverkefninu. Námsefnið er og hefur alltaf verið öllum aðgengilegt og við vonum að sem flestir nýti sér það.

UNESCO hefur starfrækt samstarfsnet skóla á alþjóðavísu frá árinu 1953 undir nafninu UNESCO Associated schools project network (ASPnet). Þeir eru nú um 10.000 talsins og starfa í 181 landi. Skólarnir eru á grunn– og framhaldsskólastigi.

UNESCO–verkefni auka fjölbreytni í kennsluaðferðum og þekkingu nemenda á málefnum Sameinuðu þjóðanna og heimsmarkmiðunum. Verkefnin eru þverfagleg og geta því nýst í ýmsum kennslutímum. Þau passa vel inn í grunnþætti aðalnámskráa grunn- og framhaldsskóla og hafa því mikið hagnýtt gildi.

Lögð er áhersla á að verkefni sem skólar innleiða séu þverfagleg og að skólarnir sæki um sem heild svo að umsóknin nýtist sem flestum fögum innan skólans.

Félag Sameinuðu þjóðanna fer fyrir skólanetinu á Íslandi  í samstarfi við Íslensku UNESCO–nefndina. Verkefnið er styrkt af mennta- og menningarmálaráðuneytinu.

UNESCO skólar á Íslandi:

  • Landakotsskóli
  • Salaskóli
  • Fjölbrautarskólinn í Breiðholti
  • Fjölbrautarskólinn við Ármúla
  • Framhaldsskólinn í Mosfellsbæ
  • Kvennaskólinn í Reykjavík
  • Leikskólinn Akrasel
  • Tálknafjarðarskóli

Hvað fá skólarnir?

Hér á skólavefsíðunni eru ýmis verkefni sem einfalt er að innleiða ásamt kynningarefni um Sameinuðu þjóðirnar og UNESCO. Félag Sameinuðu þjóðanna er skólunum innan handar við innleiðingu. Þátttaka í UNESCO–verkefninu stuðlar einnig að auknum tækifærum á samstarfi við aðra UNESCO-skóla og til eru mörg dæmi um langvarandi sambönd milli skóla frá ólíkum löndum í gegnum UNESCO–skólanetið. UNESCO skólar á Íslandi funda reglulega og deila árangri og áskorunum, þess á milli hafa þeir aðgang að lokuðum facebook hóp.

Það felast ótal tækifæri í því að vera hluti af UNESCO skólanetinu, og er það á höndum hvers skóla fyrir sig að útfæra sína þátttöku.

  • Skólarnir hafa aðgang að fjölbreyttu alþjóðalegu tengslaneti og geta valið að starfa með vinaskólum um allan heim.
  • Nemendur fá tækifæri til að taka þátt í verkefnum á vettvangi Sameinuðu þjóðanna um allan heim,
  • Sendiráð Íslands í ólíkum þjóðum leitast við að vísa til skólanna spennandi verkefnum og tækifærum sem tengjast gildum UNESCO.
  • Félag Sameinuðu þjóðanna bíður þeim árlega til þátttöku í verkefnum tengdum Heimsins stærstu kennslustund.
  • Tenging við fjölbreyttan vettvang UNESCO á Íslandi.
  • Stuðning og kennsluefni frá Félagi Sameinuðu þjóðanna á Íslandi, þar sem leitast er við að halda skólunum upplýstum um þær áherslur og verkefni sem eru í gangi hverju sinni hjá UNESCO og Sameinuðu þjóðunnum.
  • Fræðsluheimsóknir af ýmsu tagi.
  • Kennarar og nemendur UNESCO skóla tækifæri til að taka þátt í ráðstefnum og þingum á vegum UNESCO og skólaneta annara landa.

Að vera UNESCO–skóli felur í sér langvarandi samkomulag og samvinnu milli skólans og UNESCO, þar sem skólinn innleiðir verkefni tengdum einhverju af fjórum þemum UNESCO–skóla: alþjóðasamvinna, starfsemi Sameinuðu þjóðanna, heimsmarkmiðin um sjálfbæra þróun og/eða friður og mannréttindi. Skólarnir skuldbinda sig til að:

  • Halda árlega upp á tvo ólíka alþjóðadaga Sameinuðu þjóðanna, þar er úr ótal dögum að velja svo sem alþjóðadaga: læsis, mannréttinda, hafsins, einhverfu, barnsins, friðar, jarðarinnar og vísinda.
  • Standa árlega fyrir einum viðburð sem tengist Sameinuðu þjóðunum. Sem dæmi geta þetta verið þemadagar ( dæmi frá Salaskóla og Landakotsskóla) sem eiga samhljóm við gildi Sameinuðu þjóðanna eða heimsmarkmiðin, sýningar af einhverjum tagi á verkefnum tengdum gildum Sameinuðu þjóðanna eða heimsmarkmiðunum. viðburðir sem snúa að umhverfissvernd eða loftlagsaðgerðum eða góðagerðar viðburðir.
  • Skila árlega til Félags Sameinuðu þjóðanna yfirliti yfir þau verkefni sem skólinn hefur sinnt innan vettvangs skólanetsins.

Viltu vera með?

Til þess að verða UNESCO-skóli þarf að hafa samband við Félag Sameinuðu þjóðanna. Félagið aðstoðar skóla í umsóknarferlinu og veitir ráðgjöf við innleiðingu verkefnisins.

Sótt er um á netinu á heimasíðu UNESCO ASPnet og hefst ferlið formlega eftir að ASPnet–fulltrúinn á Íslandi samþykkir beiðnina. Framkvæmdastjóri Félags Sameinuðu þjóðanna er ASPnet–fulltrúi á Íslandi. Höfðustöðvar UNESCO fara yfir allar umsóknir og um leið og samþykki þaðan liggur fyrir verður skólinn formlegur hluti af UNESCO skólanetinu og fær vottorð þess efnis.

Umsóknarferlið er einfalt og aðgengilegt og aðstoðar Félag Sameinuðu þjóðanna áhugasama skóla í gegnum allt ferlið.

Hafðu samband fyrir frekari upplýsingar.