Berglind Sigmarsdóttir er framkvæmdastjóri Félags Sameinuðu þjóðanna, hún tók við því starfi af Guðrúnu Helgu Jóhannsdóttur í ágúst 2011.

Berglind hefur yfir tíu ára starfsreynslu af viðskiptum og alþjóðasamskiptum. Hún starfaði í fjögur ár hjá Dresdner Bank í Þýskalandi við alþjóðlegar fjármagnanir. Þá vann hún sem deildarstjóri fjármála- og áhættustýringar hjá Olíufélaginu ehf. Í New York vann hún fyrir viðskiptaþjónustu utanríkisráðuneytisins og kynntist vel þar starfsemi fastanefndar Íslands hjá Sameinuðu þjóðunum. Í kjölfarið vann hún fyrir Útflutningsráð og viðskiptaþjónustu utanríkisráðuneytisins til nokkurra ára, m.a. að málefnum Alþjóðabankans, þróunaráætlun Sameinuðu þjóðanna og annarra alþjóðastofnana. Fyrir hrun vann hún sem sérfræðingur á alþjóðasviði Glitnis í orkuteymi bankans. Þar kom hún m.a. að stefnumótun í samfélagslegri ábyrgð bankans tengdri Global Compact samþykktum Sameinuðu þjóðanna. Eftir hrun tók hún svo við ýmsum verkefnum á fyrirtækjasviði Íslandsbanka.

Berglind lauk BSc prófi í alþjóðlegum viðskiptum (International Business Administration) frá London og Þýskalandi árið 1998 og svo meistaragráðu í opinberri stjórnsýslu (MPA) frá Háskóla Íslands árið 2006. Berglind hefur í gegnum árin unnið sem sjálfboðaliði með skiptinemasamtökum AFS og sat í stjórn Félags Sameinuðu þjóðanna frá 2007-2011.

Netfang: berglind@un.is

Sími: +354 - 897.4453

Starfsnemar

Starfsnemar Félags Sameinuðu þjóðanna eru eftirtaldir:

• Selma Sif Óskarsdóttir
• Ásdís Sigtryggsdóttir
• Hildur Guðbjörnsdóttir
• Bryndís Pjetursdóttir